வவுனியா பூவரசங்குளம் பிரதேச வைத்தியசாலை நோயாளர் விடுதிக்கான அடிக்கல்லை வடக்கு மாகாண சுகாதார அமைச்சர் ப.சத்தியலிங்கம் நேற்று (04.08.2017) காலை நாட்டி வைத்தார்.
இந் நிகழ்வில் வடக்கு மாகாண சுகாதார அமைச்சரின் பிரத்தியோக செயலாளர் ப.சத்தியசீலன், இணைப்பாளர் பா.சிந்துஜன் , சுகாதார அமைச்சரின் அலுவலக உத்தியோகத்தர்கள், தாய் சேய் நல பொறுப்பதிகாரி வைத்தியர் எம்.ஜெயதரன், பூவரசங்குளம் பிரதேச வைத்தியசாலையின் வைத்தியர்கள், தாதிய உத்தியோகத்தர்கள், பொதுமக்கள் என பலரும் கலந்து கொண்டனர்.
வடக்கு மாகாண சுகாதார அமைச்சரின் மாகாண குறித்தொதுக்கப்பட்ட நிதியிலிருந்து 18 மில்லியன் ரூபா நிதியில் நோயாளர் விடுதி அமையவுள்ளமை குறிப்பிடத்தக்கது.
