இணைய சேவைக்காக இதுவரை விதிக்கப்பட்டு வந்த 10 வீத தொலைத்தொடர்பு வரி வரும் செப்டம்பர் மாதம் 01ம் திகதி முதல் குறைக்கப்படும் நிதியமைச்சர் மங்கள சமரவீர கூறியுள்ளார்.
இந்த வரி நீக்கமானது முற்கொடுப்பனவு இணைய சேவைக்கே அமுல்படுத்தப்பட்டுள்ளதுடன், இதன் மூலம் நூற்றுக்கு 25 வீதமான பிரதிபலனை மக்கள் பெற்றுக் கொள்ள முடியும் என்று அமைச்சர் கூறியுள்ளார்.
அதேவேளை 150 சீசீ இற்கு குறைவான அளவுடைய மோட்டார் சைக்கிள்கள் மீதான வரியை, இன்று நள்ளிரவு முதல் அமுலாகும் வகையில் நூற்றுக்கு 90 வீதத்தால் குறைப்பதாகவும் அவர் கூறியுள்ளார்.
விஷேடமாக ஜப்பானில் இருந்து இறக்குமதி செய்யப்படுகின்ற மோட்டார் சைக்கிள்களுக்கான விலைகளே இவ்வாறு குறைக்கப்பட்டுள்ளன.
இன்று இடம்பெற்ற ஊடக சந்திப்பிலேயே நிதியமைச்சர் மங்கள சமரவீர இதனைக் கூறினார்.
இதுதவிர சிறிய ரக லொறி மற்றும் சிங்கள் கெப் ரக வாகனங்களுக்கு விதிக்கப்பட்டுள்ள வரியில் 3 இலட்சம் ரூபா குறைக்கப்படுவதாகவும் நிதியமைச்சர் மங்கள சமரவீர கூறியுள்ளார்.
