ராட்சத சமோசா : தொண்டு நிறுவனம் கின்னஸ் சாதனை!!

 
லண்டனில் உள்ள முஸ்லிம் தொண்டு நிறுவனம் ஒன்று 153.1 கிலோ எடையுள்ள மிகப்பெரிய சமோசாவை செய்து உலக சாதனை படைத்துள்ளது.

நேற்று முன்தினம் லண்டனில் உள்ள ஒரு மசூதியில் பலர் இணைந்து உலகின் மிகப்பெரிய சமோசாவைத் தயாரித்துள்ளனர். இந்த சமோசாவை கின்னஸ் அதிகாரிகள் சோதனை செய்தனர்.

அனைத்தும் சரியாக இருப்பதை உறுதிப்படுத்திய பின்னர், உலகின் மிகப்பெரிய சமோசா என்ற சான்றிதழை வழங்கினர். இந்த ராட்சத சமோசாவை செய்ய 15 மணி நேரம் ஆனது.

சோதனைக்கு பின்னர் சமோசாவை ஆதரவற்றவர்களுக்கு வழங்கியதாக தொண்டு நிறுவனத்தினர் குறிப்பிட்டுள்ளனர்.