நடிகர், நடிகைகள் பெயரில் டுவிட்டர், பேஸ்புக்கில் போலி கணக்குகளை ஆரம்பித்து ரசிர்களுடன் சிலர் தொடர்பு வைத்து பேசி வருகிறார்கள். ரசிகர்களும் இந்த போலிகளை உண்மை என நம்பி உரையாடுகின்றனர். அத்துடன் நடிகைகள் பற்றி இழிவான கருத்துக்களும் பதிவு செய்யப்படுகின்றன. இதற்கு நடிகை சுவாதி கண்டனம் தெரிவித்து உள்ளார். அவர் கூறியதாவது..
டுவிட்டர், பேஸ்புக்கில் நான் இல்லை அதில் நடிகைகளை அசிங்கமாக சித்தரிக்கிறார்கள். கேவலமான கேள்விகள் கேட்கிறார்கள். கருத்துக்களையும் வெளியிடுகிறார்கள். அவர்களோடு உரையாட நான் தயார் இல்லை. என்னைப் பற்றிய எல்லா விஷயங்களையும் அதில் பகிர்ந்து கொள்ளவும் விருப்பம் இல்லை.
நான் எப்போதும் போனில் கிடைக்கிறேன். எது பற்றியும் போனில் பேசலாம். இதற்குதானே ஆசைப்பட்டாய் பாலகுமாரா படத்தில் நடித்தேன். அதில் என் நடிப்பை பார்த்து பலரும் பாராட்டுகிறார்கள். அடுத்து ஜெய் ஜோடியாக வடகறி படத்தில் நடிக்கிறேன். இதில் எனக்கு நல்ல வேடம் தெலுங்கு படங்களிலும் நடித்து வருகிறேன் என்று சுவாதி கூறினார்.
