வவுனியாவில் சில பகுதிகளில் இன்று மின்தடை!!

வட மாகாணத்தின் வவுனியாவின் சில பகுதிகளில் இன்று மின்சாரம் தடைப்பட்டிருக்குமென இலங்கை மின்சார சபையின் வட மாகாணப் பிரதிப் பொதுமுகாமையாளர் தெரிவித்துள்ளார்.

குறித்த மின்தடையானது மின்சாரப் பராமரிப்பு, புனரமைப்பு மற்றும் கட்டுமானப் பணிகளுக்காகவே அமுல்படுத்தப்படவுள்ளதாக அவர் குறிப்பிட்டுள்ளார்.

இதன்படி இன்று காலை 09 மணி முதல் மாலை 05 மணி வரை தாண்டிக்குளத்திலிருந்து புளியங்குளம் வரை, ஓமந்தை வீட்டுத் திட்டம், ICT கல்லூரி, Union Alliance Ltd, ஓமந்தை AMP, ஓமந்தை மீன்பிடித் தொழிற்சாலை ஆகிய பகுதிகளிலும் மின்சாரம் தடைப்பட்டிருக்குமென அவர் மேலும் தெரிவித்துள்ளார்.