அனைத்து வகையான கிரிக்கெட் போட்டிகளிலிருந்தும் அகர்கர் ஓய்வு!!

இந்திய அணியின் முன்னாள் வேகப் பந்துவீச்சாளர் அஜித் அகர்கர் அனைத்து வகையான கிரிக்கெட் போட்டிகளில் இருந்தும் ஒய்வு பெறுவதாக அறிவித்துள்ளார்.

ரஞ்சிக் கிண்ண கிரிக்கெட் தொடரின் 2012 – 2013 ஆம் ஆண்டிற்கான சம்பியன் பட்டத்தை வெற்றிகொண்ட மும்பை அணியை அவர் தலைமை தாங்கியிருந்தமை குறிப்பிடத்தக்கது.

1998 ஆம் ஆண்டு முதல் 2007 ஆம் ஆண்டு வரை சர்வதேச கிரிக்கெட் போட்டிகளில் இந்திய அணியைப் பிரதிநிதித்துவப்படுத்தி விளையாடியிருந்தார்.

26 டெஸ்ட் கிரிக்கெட் போட்டிகளிலும் 191 சர்வதேச ஒருநாள் கிரிக்கெட் போட்டிகளிலும் நான்கு 20-20 கிரிக்கெட் போட்டிகளிலும் அவர் விளையாடியிருந்தார்.

சர்வதேச ஒருநாள் போட்டிகளில் 288 விக்கெட்டுக்களையும், டெஸ்ட் போட்டிகளில் 58 விக்கெட்டுக்களையும் அவர் கைப்பற்றியுள்ளமை குறிப்பிடத்தக்கது.