தெலுங்கு பட உலகில் தமன்னாவுக்கும் சுருதிஹாசனுக்கும் பனிப்போர் நடப்பதாக தகவல் வெளியாகியுள்ளது. இருவரும் ஒருவர் தோல்வியை மற்றவர் இனிப்பு வழங்கி கொண்டாடுகிறார்களாம்.
தெலுங்கில் இவர்கள் முன்னணி நடிகைகளாக உள்ளனர். ஒருவர் படவாய்ப்பு மற்றவருக்கு திடீர் திடீர் என கை மாறுகிறது. இதனால் மோதிக் கொண்டு நிற்கிறார்கள். தெலுங்கில் தயாரான கப்பார் சிங் படத்தில் தமன்னாவை நாயகியாக பரிசீலித்து பிறகு அது சுருதி கைக்கு மாறியது. அப்படம் வெற்றிகரமாக ஒடியது.
ராமைய்யா வந்தாவையா படத்தில் ஜூனியர் என்.டி.ஆர். ஜோடியாக நடிக்க தமன்னாவை ஒப்பந்தம் செய்து இருந்தனர். கப்பார் சிங் படம் ஹிட்டானதால் அவரை மாற்றி விட்டு சுருதிஹாசனை தேர்வு செய்தார்கள். இது தமன்னாவுக்கு எரிச்சலை ஏற்படுத்தியது.
ஆனால் ராமையா வஸ்தாவையா படம் ரிலீசாகி எதிர்பார்த்தபடி ஓடவில்லை என்று தகவல் வெளியாகியுள்ளது. படம் தோல்வி அடைந்ததை தமன்னா கேக் வெட்டி கொண்டியதாகவும், இனிப்புகளும் வழங்கியதாகவும் தெலுங்கு இணைய தளங்களில் செய்தி பரவி உள்ளது.
