காதல் தேசம் படத்தின் மூலம் தமிழ் சினிமாவுக்கு அறிமுகமானவர் நடிகர் அப்பாஸ். அறிமுகமான முதல் படமே வெற்றிப்படமாக அமைந்ததால் ஏராளமான ரசிகர்களையும், ரசிகைகளையும் குறுகிய காலத்திலேயே பெற்றவர்.
தொடர்ந்து பல படங்களில் நடித்து வந்தவர் திடீரென தமிழ் சினிமாவை விட்டு ஒதுங்கிவிட்டார். அவ்வப்போது விளம்பர படங்களில் நடித்து வந்த இவர் தற்போது மீண்டும் சினிமாவில் ரீ-என்ட்ரி கொடுக்கவுள்ளார்.
பாரதி, பெரியார் ஆகியோரின் வாழ்க்கை வரலாற்றை படமாக எடுத்த ஞானராஜசேகரன் இயக்கிவரும் ராமானுஜன் படத்தில் அப்பாஸ் நடிக்கவிருக்கிறார். கணிதமேதை ராமானுஜத்தின் வாழ்க்கை வரலாரை மையப்படுத்தி உருவாகும் இப்படம் தமிழ், ஆங்கிலம் என இருமொழிகளிலும் உருவாகிறது.
இதுதவிர மலையாளத்தில் லவ் ஸ்டோரி என்ற படத்திலும் நடிக்க அப்பாஸ் ஒப்பந்தமாகியுள்ளார். இப்படத்தை பிரசாந்த் என்பவர் இயக்குகிறார்.
