அமெரிக்க விண்வெளி வீராங்கனை ஒருவர் விண்வெளியில் இருந்தபடியே அழகிய டைனோசர் ஒன்றை உருவாக்கியுள்ளார்.
அமெரிக்காவை சேர்ந்த விண்வெளி வீராங்கனை கேரன் நைபர்க்.
இவர் தற்போது சர்வதேச விண்வெளி நிலையத்தில் இருந்தபடி ஆராய்ச்சி செய்து வருகிறார். விண்வெளியில் இருந்தாலும் தனது மகனுக்காக கழிவுப் பொருட்களை பயன்படுத்தி டைனோசர் பொம்மை ஒன்றை உருவாக்கியுள்ளார்.
விண்வெளிக் கழிவுகளில் உருவான முதல் பொம்மை என்ற பெருமையை பெற்றிருக்கும் இந்த டைனோசர் ஸ்பேஸ் ஜங் எனப்படும் பொருட்களைக் கொண்டு உருவாக்கப்பட்டுள்ளது.
ரஷ்ய உணவு கொள்கலன்களில் ஒட்டப்பட்டு வரும் கொக்கி பட்டைத் துணி மாதிரியான துணி வகையைக் கொண்டு இந்த டைனோசரை உருவாக்கியிருக்கிறார் கேரன்.
பொம்மையின் உள்ளே பயன்படுத்திய பழைய டி-சேட்டின் கிழிசல்களை அடைத்துள்ளாராம். இந்த டைனோசர் பொம்மைக்கு பிளஸ்சி எனப் பெயரிட்டுள்ளார்.
வருகிற நவம்பர் மாதம் பூமி திரும்பும் போது இந்த டைனோசர் பொம்மையை தனது 3 வயது மகன் ஜாக்குக்கு கொடுக்கத் தீர்மானித்துள்ளார்.
