இந்திய அணியின் பந்துவீச்சாளர் இஷாந்த் சர்மாவின் அபாரமான பந்துவீச்சால் அவுஸ்திரேலியா வெற்றி பெற்றது. இந்திய அணியின் வேகப்பந்து வீச்சாளர் இஷாந்த் சர்மா, கடந்த 2007ம் ஆண்டில் தனது 19 வயதில் வங்கதேசத்துக்கு எதிரான டெஸ்டில் அறிமுகம் ஆனார்.
தொடக்கத்தில் அசத்தல் ஆட்டத்தை வெளிப்படுத்தியவர் போகப் போக ஏமாற்றினார். இதன் உச்சக்கட்டமாக மொகாலி போட்டியில் ஒரு ஓவரில் 30 ஓட்டங்களை வழங்க இந்திய அணி கடைசி நேரத்தில் வீழ்ந்தது.
இவரது பந்துவீச்சு குறித்து இந்திய அணியின் முன்னாள் வீரர் மனோஜ் பிரபாகர் கூறுகையில் இஷாந்த் குறித்து என்ன சொல்வது என்றே தெரியவில்லை.
இவரது பந்துவீச்சில் பல்வேறு குறைபாடுகள் உள்ளன. தனது தவறுகளை சரிசெய்ய அவர் தனது சொந்த பயிற்சியாளர் ஷரவண் குமாரிடம் செல்ல வேண்டிய நேரம் வந்துவிட்டது என்று தெரிவித்துள்ளார்.
ஆனால் இஷாந்த் சர்மாவை பொறுத்தவரை டெல்லியில் உள்ள தனது வீட்டுக்கு மிக அருகில் வசிக்கும் ஷரவண் குமாரை சந்திப்பதே கிடையாதாம்.
2007க்குப் பின் கடந்த 6 ஆண்டுகளில் ஒருமுறை கூட சந்தித்து ஆலோசனை பெறவில்லை. டெல்லியில் சொந்தமாக கிரிக்கெட் அகாடமி வைத்துள்ள இஷாந்த் அங்கு வந்து பயிற்சி செய்து கொள்வாராம்.
இதுகுறித்து ஷரவண் குமார் சர்வதேச கிரிக்கெட்டில் இந்திய அணிக்காக விளையாட தொடங்கிய பின் அவர் இங்கு வந்து பல ஆண்டுகள் ஆகிவிட்டன என்று தெரிவித்துள்ளார்.
