வங்கதேச அணியுடனான டெஸ்டில் இலங்கை துடுப்பாட்ட ஜோடி இணைப்பாட்டம் மூலம் புதிய மைல்கல்லை எட்டியுள்ளது.
இலங்கை- வங்கதேசம் அணிகள் இடையிலான முதல் டெஸ்ட் போட்டியின் மூன்றாம் நாளான இன்று இலங்கை இதுவரை 3 விக்கெட்கள் இழப்புக்கு 504 ஓட்டங்கள் எடுத்துள்ளது.
இலங்கை அணியின் குசல் மெண்டிஸ் 196 ஓட்டங்களும், தனஞ்செய சில்வா 173 ஒட்டங்களும் குவித்து ஆட்டமிழந்தனர்.
இரண்டாவது விக்கெட்டுக்கு இருவரும் சேர்ந்து 308 ஓட்டங்களை இணைப்பாட்டமாக எடுத்துள்ளனர்.
இதன் மூலம் இரண்டாவது விக்கெட்டுக்கு அதிக இணைப்பாட்ட ஓட்டங்கள் எடுத்த மூன்றாவது இலங்கை ஜோடி என்ற பெருமையை மெண்டிஸ்- சில்வா ஜோடி பெற்றுள்ளது.
இந்த பட்டியலில் முதலிடத்தில் ஜெயசூர்ய – மஹானாம ஜோடி 576 ஓட்டங்களுடனும், இரண்டாம் இடத்தில் சங்கக்கார – மார்வன் அத்தபத்து ஜோடி 438 ஓட்டங்களுடனும் உள்ளனர்.
