கஜகஸ்தான் அழகிப் போட்டியில் பெண்ணாக நடித்த ஆண் இறுதிப் போட்டிக்கு தெரிவான சுவாரஸ்ய நிகழ்வு இடம்பெற்றுள்ளது.
கஜகஸ்தானில் 4000 போட்டியாளர்கள் பங்குபெற்ற மிஸ்.Virtual அழகிப் போட்டியில் அலினா அலிவா என்ற பெயரில் ஆண் நபர் ஒருவர் பங்குபெற்றது தெரியவந்துள்ளது.
4000 போட்டியாளர்களை தோற்கடித்து இறுதிச் சுற்று வரை முன்னேறிய அந்த நபரின் பெயர் Ilay Dyagilev(வயது 22) என்பதாகும்.
இவர் தன் நண்பர்களுடன் விடுத்த சவாலின் காரணமாக பெண் வேடமிட்டு போட்டியில் கலந்து கொண்டதாகவும் இறுதிச் சுற்றுவரை முன்னேறுவேன் என நினைத்து கூட பார்க்கவில்லை என்றும் கூறியுள்ளார்.
மேலும் இறுதிச் சுற்றுக்கான தெரிவின்போது தானாக முன்வந்து நடுவர்களிடம் நடந்தவற்றை கூறிய அந்த நபர் அதற்கான காரணங்களையும் விளக்கியுள்ளார்.
இது குறித்து தெரியவந்ததும் அதிர்ச்சியடைந்த நடுவர்கள், உடனடியாக குறித்த நபரை நீக்கிவிட்டு அவருக்கு அடுத்த நிலையில் இருந்த அக்கெரிம் டெமிர்கனோவா(வயது 18) என்னும் பெண்ணுக்கு வாய்ப்பு வழங்கியுள்ளனர்.
