இறக்குமதி செய்யப்படும் வாகனங்களின் விலைகள் 10 சதவீதத்தால் அதிகரிக்கப்பட உள்ளதாக வாகன இறக்குமதியாளர்கள் சங்கம் தெரிவித்துள்ளது.
ஜப்பான் யென் நாணய மாற்று வீதத்தில் ஏற்பட்ட அதிகரிப்பே இதற்குக் காரணம் என அந்தச் சங்கத்தின் தலைவர் சங்கத்தின் தலைவர் ரஞ்சன் பீரிஸ்ஸை மேற்கோள்காட்டி ஆங்கில ஊடகமொன்று குறிப்பிட்டுள்ளது.
ஜப்பான் யென் ஒன்றின் விற்பனைப் பெறுமதி, 1 ரூபா 47 சதமாக உள்ளது. இந்த நிலையில், குறித்த விலை அதிகரிப்பை 10 சதவீதத்தால் மேற்கொள்ள தீர்மானிக்கப்பட்டுள்ளது.
அதாவது, 50 லட்சம் ரூபா பெறுமதியான வாகனமொன்றின் விலையானது, 5 லட்சம் ரூபாவால் அதிகரிக்கப்பட உள்ளது.
இந்த விலை அதிகரிப்பானது, எதிர்காலத்தில் இறக்குமதி செய்யப்படும் வாகனங்களுக்கு மட்டுமே அமுலாக்கப்படும் என வாகன இறக்குமதியாளர்கள் சங்கத்தின் தலைவர் ரஞ்சன் பீரிஸ் தெரிவித்துள்ளார்.
