வவுனியா வைரவப்புளியங்குளம் குளத்தினுள் வீழ்ந்த முச்சக்கரவண்டி : இருவர் படுகாயம்!!

 
வவுனியா வைரவப்புளியங்குளகட்டுப் பாதையில் பயணித்த முச்சக்கரவண்டி இன்று (22.02.2018) காலை 7.35 மணியளவில் குளத்தினுள் பாய்ந்து விபத்துக்குள்ளானது. இவ் விபத்தில் இருவர் காயமடைந்துள்ளனர். இவ் விபத்து சம்பவம் தொடர்பாக மேலும் தெரியவருகையில்,

பண்டாரிக்குளத்திலிருந்து வவுனியா நோக்கி வைரவப்புளியங்குளக்கட்டு பாதையில் பயணித்த மோட்டார் சைக்கில் முன்னால் சென்ற வாகனத்தினை முந்திச் செல்ல முற்பட்ட சமயத்தில் எதிர் திசையில் முச்சக்கரவண்டி வந்துள்ளது.

முச்சக்கரவண்டியினை அவதானித்த மோட்டார் சைக்கில் கிழே வீழ்ந்துள்ளது. விபத்தினை தவிர்க்க முச்சக்கரவண்டியினை நிறுத்த முற்பட்ட சமயத்தில் முச்சக்கரவண்டி குளத்தினுள் வீழ்ந்து விபத்துக்குள்ளானதாக அவ்விடத்தில் நின்ற பொதுமக்கள் தெரிவித்தனர்.

இவ் விபத்தில் 25 வயது மதிக்கத்தக்க மோட்டார் சைக்கிலின் சாரதியும் 40 வயது மதிக்கத்தக்க முச்சக்கரவண்டியின் சாரதியும் காயமடைந்துள்ளனர்.

குளத்திற்குள் வீழ்ந்த முச்சக்கரவண்டியினை வெளியே எடுப்பதற்கான நடவடிக்கையினையும் விபத்து தொடர்பான விசாரணையையும் பொலிசார் மேற்கொண்டு வருகின்றனர்.