சமூகவலைதளங்களில் ஸ்ரீதேவி இறப்பதற்கு காரணமான குளியல் தொட்டி குறித்து கிண்டல் செய்யப்பட்டு வரும் நிலையில் அதற்கு லட்சுமி ராமகிருஷ்ணன் கண்டனம் தெரிவித்துள்ளார்.
பிரபல நடிகை ஸ்ரீதேவி கடந்த 24 ஆம் திகதி துபாயில் குளியல் தொட்டியில் விழுந்து மரணமடைந்தார்.
அவருடைய இறுதிசடங்குகள் சமீபத்தில் நடைபெற்ற நிலையில், அவர் இறப்பதற்கு காரணமான குளியல் தொட்டி குறித்து ஜோக்குகள் மற்றும் மீம்ஸ்கள் சமூகவலைதளங்களில் வலம் வருகிறது.
இதற்கு நடிகை லட்சுமி ராமகிருஷ்ணன் டுவிட்டரில் கண்டனம் தெரிவித்துள்ளார்.
அதில், குளியல் தொட்டி ஜோக்குகள் அதிகமாக வலம் வருகின்றன, இரக்கம் இல்லாமல் இப்படி செய்யும் முன்னர் அம்மாவை இழந்துள்ள இரண்டு மகள்களை நினைத்து பார்ப்போம்.
இதுபோன்ற இரக்கமற்ற ஜோக்குகளை பகிர்வதை நிறுத்துங்கள் என பதிவிட்டுள்ளார்.
