வவுனியா வடக்கு கல்வி வலயத்தில் நிலவி வந்த கல்வி பணிப்பாளர் வெற்றிடத்திற்கு சுரேந்திரன் அன்னமலர் நியமிக்கப்பட்டுள்ளார்.
எதிர்வரும் 26ஆம் திகதியில் இருந்து கடமைகளை பெறுப்பேற்கவுள்ள இவர் வவுனியா வடக்கு கல்வி வலயத்தில் பிரதி கல்வி பணிப்பாளராக இதுவரை கடமையாற்றி வந்திருந்தார்.
கடந்த டிசம்பர் மாதத்துடன் வலயக் கல்வி பணிப்பாளராக கடமையாற்றி வந்த ஸ்ரீஸ்கந்தராஜா ஓய்வு பெற்று சென்ற பின்னர் வவுனியா வடக்கு வலயத்திற்கு நிரந்தரமான வலயகல்வி பணிப்பாளர்கள் நியமிக்கப்படவில்லை.
அத்துடன் வவுனியா தெற்கு வலய கல்வி கல்வி பணிப்பாளர் மு.ராதாகிருண்ணன் வடக்கு வலயத்தினை நிர்வகித்து வந்த நிலையில் சு.அன்னமலர் கல்வி பணிப்பாளராக நியமிக்கப்பட்டுள்ளார்.
வவுனியாவை சேர்ந்த இவர் கல்வி நிர்வாக சேவையின் ஊடாக வவுனியா மாவட்டத்தின் கல்வி வளர்ச்சிக்கு பெரும் பங்காற்றியிருந்த நிலையில் வவுனியா தெற்கு கல்வி வலயத்திலும் சில ஆண்டுகள் பிரதி கல்வி பணிப்பாளராக கடமையாற்றியிருந்தமை குறிப்பிடத்தக்கது.
