வவுனியா- மன்னார் வீதியில் தனியார் பேருந்து விபத்து!!

 
மன்னார் – வவுனியா பிரதான வீதியில் பிரமனாயங்குளம் பகுதியில் தனியார் பேருந்து விபத்துக்குள்ளாகியுள்ளது. சம்பவம் தொடர்பில் மேலும் தெரிவிக்கையில்,

நேற்று (01.04.2018) மாலை மன்னாரில் இருந்து வவுனியா நோக்கிச் சென்று கொண்டிருந்த தனியார் பேருந்து கட்டுப்பாட்டை மீறி மின்கம்பத்தில் மோதி காட்டுப்பகுதியை நோக்கி 50 மீற்றர் தூரத்துக்கு இழுத்துச் செல்லப்பட்டு விபத்துக்குள்ளாகி உள்ளது.

குறித்த விபத்தில் குறித்த பேருந்தில் பயணம் செய்த பயணிகள் சிறுகாயங்களுடன் தப்பியுள்ளதாகவும் விபத்துத் தொடர்பான மேலதிக விசாரணைகளை போக்குவரத்துப் பொலிஸார் பிரமனாயங்குளம் பொலிஸார் தெரிவித்தனர்.

இவ் விபத்து தனியார் – இ.போ.ச பேரூந்தின் போட்டித்தன்மையே காரணமென பேரூந்தில் பயணித்த பயணிகள் விசனம் தெரிவித்துள்ளனர்.