மாங்குளம் பகுதியில் பேருந்து விபத்து : பலர் காயம்!!

மாங்குளம் பகுதியில் தனியார் பேருந்தொன்று விபத்துக்குள்ளானதில் 30 பேர் வரையில் காயமடைந்துள்ளதாக தெரிவிக்கப்படுகின்றது.

இன்று (06.04.2018) மாலை வவுனியாவிலிருந்து விசுவமடு நோக்கி பயணித்த தனியார் பேரூந்து ஒன்று மாலை 5.15 மணியளவில் வவுனியா மாங்குளம் பகுதியில் பயணித்த போது வீதியின் குறுக்கே மாடு பாய்ந்ததையடுத்து வேகக்கட்டுப்பாட்டை இழந்த பேருந்து விபத்துக்குள்ளாகி குடைசாய்ந்தது.

இவ் விபத்தில் பேருந்தில் பயணித்த 30 பேர்வரையில் காயமடைந்து வவுனியா வைத்தியசாலையில் அனுமதிக்கப்பட்டுள்ளனர். இவ்விபத்து சம்பந்தமான மேலதிக விசாரணைகளை மாங்குளம் பொலிஸார் மேற்கொண்டு வருகின்றனர்.