அமெரிக்காவில் உள்ள பாஸ்புட் கடையில் சிலந்தி பார்க்கரை மக்கள் அதிக ஆவலுடன் வாங்கி சாப்பிட்டு வருகின்றனர். வெளிநாடுகளில் பல்லி, பாம்பு, முதலை இவற்றை உணவாக சமைத்து சாப்பிடுவார்கள் என்று கேள்வி பட்டிருப்போம். அது தொடர்பான வீடியோக்களை பார்த்த பின்பு தான் நாம் நம்பினோம்.
அந்த வகை உணவுகள் எல்லாம் ஜப்பான் மற்றும் சீனா போன்ற நாடுகளில் தான் பார்க்க முடியும். தற்போது அமெரிக்காவிலும் அந்த கலாச்சாரம் பரவ தொடங்கியுள்ளது.
அமெரிக்காவின் நியூயோர்க் நகரில் உள்ள பிரபலமான உணவகம் ஒன்றில் சிலந்தி பர்கர் ஒன்று அறிமுகப்படுத்தப்பட்டுள்ளது. இந்த பர்கரை சாப்பிடுவதற்காகவே விடுமுறை தினங்களில் மக்களின் கூட்டம் அலை மோதுகிறதாம்.
இந்த உணவகத்திற்கு செல்லும் பெரும்பாலனோர் சிலந்தி பர்க்கரை சாப்பிட்ட பின்பு அது தொடர்பான புகைப்படங்களை தங்களுடைய டுவிட்டர் பக்கங்களில் பதிவேற்றம் செய்து என்ன ஒரு சுவை என்று பதிவிட்டு வருகின்றனர்.
