அமெரிக்காவில் நீச்சல் குளத்தில் உயிருக்கு போராடிய சிறுவன் 9 நிமிடங்களுக்கு பிறகு உயிரோடு மீட்கப்பட்ட சம்பவம் தொடர்பான வீடியோ இணையத்தில் வைரலாகி வருகிறது.
அமெரிக்காவின் தெற்கு கரோலினா மிர்டில் கடற்கரை பகுதி அருகே அவிஸ்டா என்ற சொகுசு விடுதி உள்ளது. இங்கு உள்ள நீச்சல் குளத்தில் 12-வயது சிறுவன் தனது சக நண்பர்களுடன் குளத்தில் மகிழ்ச்சியாக குளித்துக் கொண்டிருந்தான்.
அப்போது எதிர்பாரதவிதமாக தண்ணீரை வெளியேற்றும் ஓட்டையில் இருந்த சல்லடையில் சிறுவனின் கால் சிக்கிக் கொண்டது. இதனால் சிறுவன் தண்ணீர் உள்ளே மூழ்கும் நிலை ஏற்பட்டது. இதைக் கண்ட சக நண்பர்கள் உடனடியாக அங்கிருந்த பெரியவர்களை அழைத்துள்ளனர்.
அவர்கள் வந்து சிறுவனை காப்பாற்ற முடியவில்லை. உடனடியாக பாதுகாப்பு குழுவுக்கு தெரிவிக்கப்பட்டதால், தண்ணீரில் மூழ்கி இருந்த சிறுவனை அந்த பாதுகாப்பு குழுவில் ஒருவர் சாமர்த்தியமாக செயல்பட்டு தனது வாய் வழியாக காற்றை அந்த சிறுவனுக்கு கொடுத்தபடி இருந்தார்.
இப்படி சிறுவன் 9-நிமிடங்களுக்கு பிறகு பத்திரமாக மீட்கப்பட்டான். மீட்கப்பட்ட சிறுவன் உடனடியாக மருத்துவமனையில் அனுமதிக்கப்பட்டு சிகிச்சை மேற்கொண்டு வருவதாக தெரிவிக்கப்பட்டுள்ளது.
சுமார் 9 நிமிடங்கள் தண்ணீருக்குள் போராடிய சிறுவன் தொடர்பான வீடியோ தற்போது இணையத்தில் வைரலாகி வருகிறது.
