தென் கொரியாவுக்கு கழிப்பறையுடன் சென்றுள்ள கிம் ஜாங் உன் : காரணம் இதுதான்!!

தென் கொரியாவில் இன்று நடைபெறும் வட மற்றும் தென் கொரிய ஜனாதிபதிகள் பங்கேற்கும் உச்சி மாநாட்டுக்கு வட கொரிய ஜனாதிபதி உயர் பாதுகாப்புகளுடன் கூடிய பிரத்யேக கழிப்பறையையும் தன்னுடன் எடுத்துச் சென்றுள்ளார்.

கொரிய தீபகற்பத்தில் நடைபெறும் வரலாற்று முக்கியத்துவம் வாய்ந்த வட கொரியா, தென் கொரியா தலைவர்கள் இடையிலான உச்சி மாநாட்டில் பங்கேற்பதற்காக வடகொரிய ஜனாதிபதி கிம் ஜாங் உன், 65 ஆண்டு கால பகையை மறந்து முதல் முறையாக தென்கொரியாவுக்குச் சென்றுள்ளார்.

இரு நாடுகளின் எல்லையையொட்டி தென்கொரிய பகுதியில் உள்ள பன்முஞ்சோமில் நடைபெற்ற இந்த மாநாட்டின் துவக்கத்தில் இரு நாட்டு தலைவர்களும் ஒருவரையொருவர் கைகுலுக்கி பரஸ்பரம் வாழ்த்துக்களை தெரிவித்துக் கொண்டனர்.

இது இரு நாடுகளுக்கிடையிலான நட்புறவின் புதிய தொடக்கமாக அமைந்தது, கொரிய போர் முடிந்த பின்னர் வடகொரிய தலைவர் ஒருவர் தென்கொரியாவுக்கு சென்றது இதுவே முதல் முறை என்பது குறிப்பிடததக்கது.

வட கொரியாவின் ராணுவ கட்டளைப் பிரிவில் பணியாற்றிய Lee Yun-keol இது குறித்து ஊடகங்களிடம் பேசிய போது, வட கொரிய ஜனாதிபதி பொதுவாகவே சாதாரண கழிப்பறையை உபயோகிக்கமாட்டார், காரணாம் அவரது ரகசியங்களை பாதுகாக்கும் நோக்கம் ஆகும்.

சாதாரண கழிப்பறையை கிம் ஜாங் பயன்படுத்தினால் அவரது கழிவின் மூலம் தற்போதைய உடல்நிலை மற்றும் அவரது மருத்துவ ரகசியங்கள் பற்றிய தகவல்கள் வெளியாகிவிடும் வாய்ப்புள்ளது.

எனவே கிம் ஜாங் உடல்நிலை குறித்த ரகசியங்களை பாதுகாக்க இந்த பிரத்யேக கழிப்பறையை கிம் ஜாங் பயன்படுத்துவதாக Lee Yun-keol கூறுகிறார். மேலும் கிம் பயன்படுத்தும் அந்த கழிப்பறை எப்போதும் உயர் பாதுகாப்பு அதிகாரிகளின் பாதுகாப்புடன் தான் இருக்கும் எனவும் அவர் தெரிவித்துள்ளார்.

மேலும் வட கொரியாவில் கிம் பயணம் செய்யும் போதும் இராணுவ தளங்கள், அரசு நடத்தும் தொழிற்சாலைகள் போன்ற இடங்களிலும் கிம் ஜாங் பயன்படுத்தும் வகையில் நவீன கழிப்பறை அமைக்கப்பட்டு ராணுவ வீரர்களால் பாதுகாக்கப்படும்.

நீண்ட பயணங்களுக்கு கிம் பயன்படுத்தும் தனிப்பட்ட ரயிலில் மட்டுமல்லாமல் அவரது சிறிய அல்லது நடுத்தர கார்களிலும் கூட நவீன கழிப்பறை வசதி செய்யப்பட்டுள்ளது.

தனக்கென உயர் பாதுகாப்புகளுடன் கூடிய நவீன கழிப்பறையை கிம் பயன்படுத்துவதை வழக்கமாக வைத்திருப்பதால் கிம் ஜாங் இன்று தென் கொரியா செல்லும் போதும் அவருடைய பிரத்யேக கழிப்பறையை நிச்சயம் உடன் எடுத்து சென்றிருப்பார் என ஊடகங்கள் தகவல் வெளியிட்டுள்ளன.