பிரபல திரைப்பட நடிகை மனிஷா ராய் சாலையில் விபத்தில் மரணமடைந்துள்ளார். போஜ்புரி திரைப்படங்கள் பலவற்றில் நடித்து புகழ்பெற்றவர் மனிஷா ராய். இவர் படப்பிடிப்பு ஒன்றில் கலந்து கொள்வதற்காக தனது இரு சக்கர வாகனத்தில் உதவியாளர் சஞ்சீவுடன் சென்று கொண்டிருந்தார்.
மனிஷாவின் வீட்டருகிலேயே படப்பிடிப்பு நடந்ததால் அவர் காருக்கு பதிலாக இருசக்கர வாகனத்தில் சென்றுள்ளார். சாலையில் சென்று கொண்டிருந்த போது எதிரில் வந்த கார் இருசக்கர வாகனம் மீது மோதியதில் சம்பவ இடத்திலேயே மனிஷா உயிரிழந்தார்.
உடன் பயணித்த சஞ்சீவுக்கு காயம் ஏற்பட்ட நிலையில் மருத்துவமனையில் அனுமதிக்கப்பட்டார். இருசக்கர வாகனம் மீது மோதிய காரை ஓட்டிய ஓட்டுனர் சம்பவ இடத்திலிருந்து தப்பி சென்ற நிலையில் பொலிசார் அவரை தேடி வருகிறார்கள். மனிஷாவின் மறைவுக்கு திரையுலகினர் இரங்கல் தெரிவித்துள்ளனர்.
