பிரபல நடிகரும், தொலைக்காட்சி தொகுப்பாளருமான சந்தன் சாலை விபத்தில் உயிரிழந்துள்ளார். கன்னட திரைப்படங்கள் சிலவற்றில் நடித்துள்ளதோடு பல்வேறு தொலைக்காட்சி நிகழ்ச்சிகளை தொகுத்து வழங்கியவர் சந்தன் (34).
இவர் இரண்டு சக நடிகர்களுடன் இன்று காலை காரில் சென்று கொண்டிருந்த போது சாலையில் நின்று கொண்டிருந்த லொறி மீது கார் வேகமாக மோதியது.
இதில் சந்தன் சம்பவ இடத்திலேயே பரிதாபமாக உயிரிழந்தார். அவருடன் பயணித்த இருவருக்கும் காயம் ஏற்பட்ட நிலையில் மருத்துவமனையில் சேர்க்கப்பட்டுள்ளனர்.
சந்தனின் மரணம் சக நடிகர்களை அதிர்ச்சியில் ஆழ்த்தியுள்ள நிலையில் பிரபல நடிகர்களான பிரேம், துனியா விஜய் உள்ளிட்டோர் அவர் மரணத்துக்கு இரங்கல் தெரிவித்துள்ளனர். விபத்து தொடர்பாக பொலிசார் வழக்குப்பதிவு செய்து விசாரணை நடத்தி வருகிறார்கள்.
