லண்டனில் சட்டவிரோதமான வன்முறைக் கும்பலால் தாக்கப்படும் நபர்களின் எண்ணிக்கை அதிகரித்துக் கொண்டே போகிறது. அதில் சமீபமாக பாதிக்கப்பட்டவர் திருமதி வார்னர் என்னும் 90 வயது மூதாட்டி.
லண்டனின் வடமேற்கு பகுதியான Brent பகுதியை சேர்ந்த வார்னர் ஓய்வூதியம் பெற்று வாழ்ந்து வருகிறார். திடீரென அதிகாலையில் தனது வீட்டில் யாரோ நுழைந்ததாக உணர்ந்த வார்னர் யாரென கேட்ட போதே வீட்டிற்குள் அழையாமல் நுழைந்த நபரால் பல்வேறு வகையில் தலை முதல் கால் வரை தாக்கப்பட்டார்.
அந்த தாக்குதலின் முடிவில் தன்னை தாக்கியவனின் முகம் கூட மறந்து போகும் வகையில் கோமா நிலைக்கு அவர் சென்று விட்டார்.
சம்பவம் நடந்து இரண்டு நாட்கள் கழித்து திங்களன்று மதியம் தனது தாயை பார்க்க வந்த மகன் Jeffry warner தாய் இருந்த நிலைமையை பார்த்து அதிர்ந்து போனார்.
மோசமான நிலையில் உயிருக்கு போராடிக்கொண்டிருந்த தனது தாயை மருத்துவமனையில் சேர்த்திருக்கும் வார்னர் , தனது சகோதரி லெஸ்லியின் உதவியுடன் தனது தாயின் புகைப்படத்தை சமூக வலைத்தளங்களில் பதிவேற்றியிருக்கிறார்.
அதன் மூலம் தாயை இந்த நிலைமைக்கு ஆளாகியவன் பற்றிய துப்புகள் கிடைக்காதா என்றும் காத்துக் கொண்டிக்கின்றனர்.
லண்டனில் இந்த மாதத்தில் நடைபெறும் வன்முறைகளில் மேற்கண்ட வன்முறையும் ஒன்று. இந்த வாரத்தின் ஆரம்பத்தில் இளம்பெண் (24 ) இதே போல அடையாளம் தெரியாத நபரால் தாக்கப்பட்டு உயிருக்கு போராடி வருகிறார். நகைச்சுவை நடிகரான Michael McIntyre தன்னிடம் இருந்த விலையுயர்ந்த (யூரோ 15,000)வாட்சுக்காக கொள்ளையடிக்கப்பட்டார்.
இதற்கிடையில் ஒரு ஆஸ்திரேலியன் டிவி ரிப்போர்ட்டரிடம் லைவ் ஷோவில் இருக்கும்போதே அவரிடம் இருந்த விலையுர்ந்த கேமராவை (யூரோ 15,000) வலுக்கட்டாயமாக கைகளில் இருந்து வன்முறையாளனால் பிடுங்கப்பட்டது. பின்னர் அவன் சைக்கிளில் தப்பி சென்றான்.
இந்த வருடத்தில் இது போன்ற சம்பவங்களில் இதுவரை 70 பேருக்கும் மேல் கொல்லப்பட்டுள்ளனர். இது நியூயார்க்கின் அளவை விட அதிகமான குற்ற அளவாகும்.
தற்போது பாதிக்கபட்ட 90 வயதான மூதாட்டி இன்னமும் சுயநினைவுக்கு வரமுடியவில்லை. தரப்படும் சிகிச்சைகள் அவரது உயிரைக் காக்குமா என்பது சொல்ல முடியாது என்று மருத்துவர்கள் தெரிவித்துள்ளனர்.
லண்டனில் தொடர்ந்து நடந்து வரும் வன்முறைகளால் பொதுமக்கள் அச்சத்தோடு இருப்பதாக தகவல்கள் தெரிவிக்கின்றன.
