ஏ.ஆர்.முருகதாஸ் இயக்கத்தில் நடிகர் விஜய் நடிக்கும் 62வது படத்துக்கு சர்கார் என பெயர் சூட்டப்பட்டுள்ளது. இப்படத்தை சன்பிக்சர்ஸ் தயாரிக்கிறது, நேற்று இப்படத்தின் First Look வெளியானது.
அதில் கருப்பு நிற உடையுடன் காட்சியளிக்கும் நடிகர் விஜய் புகைப்பிடித்துக் கொண்டிருக்கிறார், பின்புறத்தில் ஒரு நகரம் காட்டப்படுகிறது.
First Look வெளியான உடனே சர்ச்சையும் தொடங்கிவிட்டது, அதாவது நடிகர் விஜய் இனிமேல் புகைப்பிடிக்கும் காட்சிகளில் நடிக்க மாட்டேன் என பாமக இளைஞரணி தலைவர் அன்புமணி ராமதாசுக்கு உறுதி அளித்திருந்தார்.
இதனை கண்டுகொள்ளாமல் விஜய் நடித்துள்ளதற்கு அன்புமணி ராமதாஸ் டுவிட்டரில் கடுமையாக சாடியுள்ளார். அதில், தனது புதிய படத்தின் ஃபர்ஸ்ட் லுக் போஸ்டரில் புகைப்பிடிக்கும் காட்சிகளை விளம்பரப்படுத்துவதற்கு நடிகர் விஜய் வெட்கப்பட வேண்டும் என குறிப்பிட்டுள்ளார்.
