இலங்கையின் கடவுச்சீட்டைக் கொண்டு 46 நாடுகளுக்கு வீசா இன்றி பயணம் செய்ய முடியும் என தகவல் வெளியாகியுள்ளது.
இலங்கை ஜனநாயக சோசலிச குடியரசின் கடவுச்சீட்டைப் பயன்படுத்தி, ஓர் நாட்டுக்கு சென்று வீசா பெற்றுக் கொள்ளல் அல்லது இணையத்தின் ஊடாக வீசா பெற்றுக் கொள்ளல் ஆகிய வசதிகளை உடைய நாடுகளின் எண்ணிக்கை 46 ஆக உயர்வடைந்துள்ளது.
இலங்கைக் கடவுச்சீட்டை உடையவர்கள் லாவோஸ் நாட்டிற்கு வீசா இன்றி பயணிக்க முடியும் என அண்மையில் அறிவிக்கப்பட்டிருந்தது.
இதேவேளை உலகின் அநேக நாடுகள் தங்களது சுற்றுலாத்துறையை மேம்படுத்தும் நோக்கில் இவ்வாறு ஒன் அரைவல் வீசாவை வழங்குகின்றன.
மேலும், கடவுச்சீட்டு குறித்த சர்வதேச குறிகாட்டியின் அடிப்படையில் இந்த ஆண்டு இலங்கைக்கு உலக அளவில் 83ஆம் இடம் கிடைக்கப் பெற்றுள்ளது.
ஏனைய நாடுகளுடன் ஒப்பீடு செய்யம் போது இலங்கைக் கடவுச்சீட்டின் ஏற்றுக்கொள்ளக்கூடிய தன்மையின் அடிப்படையில் இந்த தர வரிசை அமைந்துள்ளது.
