அவுஸ்திரேலியாவின் Melbourne பகுதியில் நிகழ்ந்த விபத்து ஒன்றில் சிக்கியவருக்கு உதவப் போன ஒரு பெண் மீது இன்னொரு வாகனம் மோதியதில் அவர் பரிதாபமாக உயிரிழந்தார்.
Melbourne பகுதியில் நேற்றிரவு கார் ஒன்று வலது புறமாக திரும்ப முயற்சிக்கும்போது மிக வேகமாக வந்த ஒரு மோட்டார் சைக்கிள் அதன்மீது மோதியது. இந்த விபத்தில் மோட்டார் சைக்கிளில் வந்த நபர் படுகாயமடைந்தார்.
சம்பவம் நடைபெற்றபோது அந்த பகுதியில் நின்றுகொண்டிருந்த Emily (27) என்னும் பெண் அந்த மோட்டார் சைக்கிளில் வந்த நபருக்கு உதவுவதற்காக ஓடியிருக்கிறார். அப்போது வேகமாக வந்த இன்னொரு கார் Emily மீது மோதியது.
அதில் சம்பவ இடத்திலேயே Emily பரிதாபமாக உயிரிழந்தார். இரண்டு குழந்தைகளின் அன்புத்தாயான Emilyயின் மரணம் அவரது குடும்பத்தினரை பெரும் சோகத்தில் ஆழ்த்தியுள்ளது.
