வவுனியாவிற்கு இன்று(25.10) காலை 9.30 மணியளவில் நல்லிணக்க மற்றும் அரச கரும மொழிகள் அமைச்சர் மனோகணேசன் விஜயம் செய்துள்ளார்.
இன்று யாழ்ப்பாணத்திற்கான விஜயம் ஒன்றினை மேற்கொண்டபோது வவுனியா வர்த்தகர் சங்கம், வவுனியா நகரசபை, பொது அமைப்புக்களின் வேண்டுகோளின் அடிப்படையில் பழைய பேருந்து நிலையத்திற்குச் சென்ற அமைச்சர் அதனைப்பார்வையிட்டுள்ளார்.
வவுனியா வர்த்தகர் சங்கத்தலைவர் எஸ்.சுஜனால் வர்த்தக நிலையங்கள் தற்போது எதிர்நோக்கியுள்ள பிரச்சினைகள் தொடர்பாக அமைச்சரின் கவனத்திற்குக் கொண்டுவரப்பட்டது.
பின்னர் நகரசபைத் தவிசாளர் இ.கௌதமனின் அழைப்பின்பேரில் இலுப்பையடிப்பகுதியிலுள்ள தினச்சந்தைக்குச் சென்று அதனைப்பார்வையிட்டுள்ளதுடன் தற்போது புதிதாக அமைக்கப்பட்டுள்ள வவுனியா பொருளாதார மத்திய நிலையத்தின் பணிகள் முடிவடைந்துள்ளது குறித்து தினச்சந்தை வியாபரிகளினால் கவனத்திற்குக் கொண்டுவரப்பட்டது.
பின்னர் தினச்சந்தைக்குப் பின்னாலுள்ள குளத்தினையும் பார்வையிட்டுச் சென்றுள்ளார். இதன்போது நகரசபை தவிசாளர், உபதவிசாளர், கட்சியின் ஆதரவாளர்கள், தினச்சந்தை வியாபார நிலையங்களின் உரிமையாளர்கள் எனப்பலரும் கலந்துகொண்டனர்.
