அமெரிக்காவில் இளம்பெண் ஒருவர் தனது உயிர்த் தோழியின் 54 வயது தந்தையை திருமணம் செய்துள்ளார். அரிசோனாவின் பீனிக்ஸ் பகுதியைச் சேர்ந்தவர் டெய்லர்(27). இவருக்கு வேலை பார்க்கும் இடத்தில் அமெண்டா எனும் தோழி உள்ளார். ஒருமுறை அமெண்டாவின் தந்தை கெர்ன் லேமனை சந்தித்துள்ளார் டெய்லர்.
அதனைத் தொடர்ந்து லேமனுக்கும், டெய்லருக்கும் இடையே ஏற்பட்ட நட்பு காதலாக மலர்ந்துள்ளது. அதன் பின்னர், இருவரும் திருமணம் செய்துகொள்ள முடிவெடுத்தபோது, இரண்டு பேரின் வீட்டிலும் எதிர்ப்பு கிளம்பியுள்ளது.
தோழி அமெண்டாவுக்கும் இதில் விருப்பமில்லை என்று கூறப்பட்டது. இந்நிலையில், லேமன்-டெய்லர் மிகுந்த போராட்டத்திற்கு பிறகு கடந்த ஆண்டு திருமண பந்தத்தில் இணைந்துள்ளனர்.
இதுகுறித்து டெய்லர் கூறுகையில், ‘முதன் முதலாக லேமனை சந்தித்தபோதே பிடித்தது. இருவருக்கும் இசை, பயணம், திரைப்படத்தில் ஒத்த ரசனை இருந்தது. அது காதலாக மாறியபோது தோழியின் தந்தையைத் திருமணம் செய்ய முயற்சிக்கிறோமே என்று குற்ற உணர்ச்சியால் பாதிக்கப்பட்டேன்.
ஆனால், அமெண்டா என்னைப் புரிந்துகொண்டார். அதனால் விரைவிலேயே அதிலிருந்து வெளியே வந்துவிட்டேன். கடந்த ஆண்டு மெக்சிகோவில் 25 நெருங்கிய உறவினர்கள் முன்னிலையில் இருவரும் திருமணம் செய்துகொண்டோம்.
என்னை விட வயதில் மிகவும் மூத்தவர் என்பதால், அவரின் வருங்காலம் குறித்து என் நண்பர்கள் அச்சம் தெரிவித்தனர். நாளையே கூட நான் முதலில் விபத்தால் இறந்துவிடலாம். என்ன நடக்கும் என்பது யாருக்கும் தெரியாது. இன்றைய நாளை மகிழ்ச்சியாக வாழ வேண்டும்’ என தெரிவித்துள்ளார்.
