வவுனியா ஓமந்தை கொம்புவைத்தகுளம் பகுதியிலுள்ள காட்டு பகுதியில் இன்று (28.11) காலை 10 மணியளவில் வெடிச்சத்தம் கேட்டதையடுத்து அப் பகுதியை பார்ப்பதற்காக நான்கு இராணுவ வீரர்கள் சென்ற சமயத்தில் காட்டுப் பகுதியில் கட்டி வைக்கப்பட்ட கட்டுத்துப்பாக்கி வெடித்ததில் ஒரு இராணுவ வீரர் படுகாயமடைந்த சம்பவம் ஒன்று இடம்பெற்றுள்ளது.
சிங்கரெஜிமென்ட் படையணியில் உள்ள பூனாவையைச் சேர்ந்த 40 வயதுடைய இராணுவ வீரரே இவ்வாறு படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார்.
இச் சம்பவம் தொடர்பான மேலதிக விசாரணைகளை ஓமந்தை பொலிசார் மேற்கொண்டு வருகின்றனர்.
