வவுனியா உயர் தொழில்நுட்பவியல் கல்வி நிறுவனத்தில் புதிய கல்வியாண்டிற்கான விண்ணப்பம் கோரல்!!

புதிய கல்வியாண்டிற்கான விண்ணப்பம் கோரல்

உயர் கல்வி, நீர்வழங்கல், நகர திட்டமிடல் அமைச்சு இலங்கை உயர் தொழில்நுட்பவியல் கல்வி நிறுவகம் உயர் தொழில்நுட்பவியல் நிறுவகங்களுக்கு மாணவர்களை அனுமதித்தல்- கல்வி ஆண்டு 2019. (விண்ணப்ப முடிவுத் திகதி : 2019.02.15)

2018 ஆம் ஆண்டில் அல்லது அதற்கு முன்னர் க. பொ. த. (உ. த.) பரீட்சையை வெற்றிகரமாகப் பூர்த்தி செய்துள்ளோரிடமிருந்து இலங்கை தொழில்நுட்பவியல் கல்வி நிறுவகத்தால் (SLIATE) நடாத்தப்படுகின்ற உயர் தேசிய டிப்ளோமாவிற்கு விண்ணப்பங்கள் கோரப்படுகின்றன.

விண்ணப்பிக்கும் முறை : மாதிரி விண்ணப்பப்படிவத்திற்கு அமைய தயாரிக்கப்பட்டு முறையாக ஆங்கிலத்தில் பூர்த்திசெய்யப்பட்டுள்ள விண்ணப்பங்கள், கணக்கு இல. 025-2-001-1-3397613 மக்கள் வங்கி, ஹைட் பார்க் கிளை (கொழும்பு) அல்லது வேறேதேனும் மக்கள் வங்கிக் கிளையில் ரூபா 500 (ஐந்நூறு)ஐ பற்று வைத்து பெற்றுக்கொள்ளப்பட்ட பற்றுச்சீட்டுடன் பதிவுத்தபாலில்,

‘கல்வி இணைப்பாளர், உயர் தொழில்நுட்பவியல் கல்வி நிறுவனம், A9 வீதி, வேப்பங்குளம், ஓமந்தை, வவுனியா’ எனும் முகவரிக்கு நேரடியாக அனுப்பப்படுதல் வேண்டும்.

‘விண்ணப்பிக்கும் பாடநெறியை கடித உறையின் இடதுபக்க மேல் மூலையில் குறிப்பிடுதல் வேண்டும். ஒன்று அல்லது ஒன்றிற்கு மேற்பட்ட நிறுவகங்களுக்கு அல்லது பாடநெறிகளுக்கு விண்ணப்பிக்க விரும்பும் விண்ணப்பதாரிகள் ஒவ்வொரு விண்ணப்பத்துடனும் ரூபா 500 பெறுமதியான தனித்தனி பற்றுச்சீட்டை இணைத்து சமர்ப்பித்தல் வேண்டும்.

மேலே குறிப்பிடப்பட்ட கணக்கு இலக்கத்தை தவிர்ந்த வேறு கணக்கு இலக்கங்களுக்கு பற்று வைக்கப்பட்டுள்ள விண்ணப்பங்கள் நிராகரிக்கப்படும்.  விண்ணப்ப முடிவுத் திகதியான 2019.02.15 ஆம் திகதிக்குப் பின்னர் கிடைக்கப்பெறும் விண்ணப்பங்கள் நிராகரிக்கப்படும்.

விண்ணப்பதாரிகள் கீழே குறிப்பிட்டுள்ள பாடநெறிப் பட்டியலிலிருந்து தமது தகைமைக்கேற்றவாறு பாடநெறிகளைத் தெரிவுசெய்தல் வேண்டும்.

விரிவுரைகளின் வகை : முழுநேர பாடநெறிகள் (Full Time) : வாரநாட்கள்
பகுதி நேர பாடநெறிகள் (Part Time) : வார இறுதி நாட்கள்
மொழிமூலம் : ஆங்கிலம்
உரிய துறைகளில் கடமையாற்றுவோருக்கே பகுதி நேர பாடநெறிகள்

பாடநெறிக் கட்டணங்கள் : முழு நேர பாடநெறிகளுக்கு எவ்வித பாடநெறிக் கட்டணமும் அறவிடப்பட மாட்டாது. பகுதிநேர பாடநெறிகளுக்கான தவணைக் கட்டணங்கள் (Semester) பின்வருமாறு :
கணக்கியல் உயர் தேசிய டிப்ளோமா (HNDA) ரூபா 5,000, ஆங்கிலம் உயர் தேசிய டிப்ளோமா (HNDE) ரூபா 8,000.

விண்ணப்பப் படிவத்தை தரவிறக்கம் செய்ய இங்கு கிளிக் செய்க

பாடநெறிகள் :
1. கணக்கியல் உயர் தேசிய டிப்ளோமா – ‘HNDA’ (முழுநேரம்) – 4 வருடங்கள்
2. கணக்கியல் உயர் தேசிய டிப்ளோமா – ‘HNDA’ (பகுதிநேரம்) – 4 வருடங்கள்
3. தகவல் தொழில்நுட்பவியல் உயர் தேசிய டிப்ளோமா- ‘HNDIT’ (முழு நேரம்) 2½ வருடங்கள்
4. ஆங்கிலத்தில் உயர் தேசிய டிப்ளோமா ”HND ENGLISH’ (முழு நேரம்) – 2 1/2 வருடங்கள்
5. ஆங்கிலத்தில் உயர் தேசிய டிப்ளோமா ”HND ENGLISH” (பகுதி நேரம்) – 2 ½ வருடங்கள்

மேலதிக தகவல்களுக்கு :
தொலைபேசி இல : 024 – 2052733
இணையதளம் : vavuniyaati.com

முகவரி : கல்வி இணைப்பாளர்,
உயர் தொழில்நுட்பவியல் கல்வி நிறுவனம்,
A9 வீதி, வேப்பங்குளம்,
ஓமந்தை, வவுனியா