ஜூலை முதலாம் திகதியிலிருந்து நடைமுறைக்கு வரும் வகையில் பஸ் கட்டணங்களில் மாற்றங்களை ஏற்படுத்தவுள்ளதாக தேசிய போக்குவரத்து சபை தெரிவித்துள்ளது.
பஸ் கட்டண மாற்றங்கள் தொடர்பில் நேற்று பஸ் சங்கத்துடன் விசேட கலந்துரையாடல் ஒன்றில் ஈடுபட்டதாக தேசிய போக்குவரத்து சபையின் தலைவர் ரொஷான் குணவர்தன குறிப்பிட்டார். இதன்படி பஸ் கட்டண மாற்றம் தொடர்பில் இன்று தனியார் போக்குவரத்து அமைச்சர் சீ.பீ. ரத்நாயக்கவுக்கு அறிவிக்கப்படவுள்ளது.
ஒவ்வொரு ஆண்டும் ஜூலை மாதம் முதலாம் திகதி பஸ் கட்டணங்களில் மாற்றங்களை ஏற்படுத்தப்படுவது வழமை. இதன்படி இவ்வாண்டும் பஸ்கட்டண மாற்றங்கள் இடம்பெறவுள்ளதாக தேசிய போக்குவரத்து சபை மேலும் தெரிவித்துள்ளது.
