சட்டவிரோத நடைபாதை
வவுனியா தர்மலிங்கம் வீதிக்கு அருகே காணப்பட்ட சட்டவிரோத நடைபாதை இன்று (21.06.2019) காலை 10 மணியளவில் வவுனியா நகரசபையினரால் அகற்றப்பட்டது.
வவுனியா தர்மலிங்கம் வீதிக்கு அருகே காணப்படும் வர்த்தக நிலையத்திற்கு (சட்டவிரோத கட்டிடம்) முன்பாக கடந்த சில நாட்களுக்கு முன்னர் வவுனியா நகரசபையின் அனுமதியின்றி கொங்கிறீட் மூலம் அமைக்கப்பட்ட நடைபாதையினை நகரசபை ஊழியர்கள் இன்று அகற்றியுள்ளனர்.
பொதுமகன் ஒருவர் வவுனியா நகரசபைக்கு மேற்கொண்ட முறைப்பாட்டினையடுத்தே கொங்கிறீட் நடைபாதை அகற்றப்பட்டது. இவ் விடயம் தொடர்பாக குறித்த வர்த்தக நிலையத்தில் உரிமையாளர் கருத்து தெரிவிக்கையில்,
வீதிக்கு அருகே குப்பைகளாக காணப்பட்டது. அதனையடுத்தே நான் இவ்விடத்தில் கொங்றிட் மூலம் நடைபாதை அமைத்தேன். நான் இது தொடர்பாக நகரசபையில் கதைத்துக்கொண்டிருந்த சமயத்தில் நகரசபையினரால் இந்த நடைபாதை அகற்றப்பட்டுள்ளது. நான் நகரசபையில் அனுமதி எடுக்காது இதனை முன்னெடுத்தது என் தவறு தான் என தெரிவித்தார்.
