ஓமந்தையில் விபத்து
வவுனியா ஓமந்தை ஏ9 பிரதான வீதியில் கார் மற்றும் மகேந்திரா ரக வாகனமும் நேருக்கு நேர் மோதி விபத்துக்குள்ளானதில் ஒருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார்.
திருகோணமலையில் இருந்து யாழ்ப்பாணம் நோக்கி பயணித்த கார் ஒன்றும் ஓமந்தையில் இருந்து வவுனியா நோக்கி பயணித்துக்கொண்டிருந்த மகேந்திரா வாகனமும் ஓமந்தை எரிபொருள் மீள்நிரப்பு நிலையத்திற்கு அருகே ஏ9 வீதியில் நேருக்கு நேர் மோதி விபத்துக்குள்ளானது.
இவ் விபத்தில் காரில் பயணித்த திருகோணமலையைச் சேர்ந்த வைத்தியர் படுகாயமடைந்த நிலையில் ஓமந்தை வைத்தியசாலைக்கு கொண்டு செல்லப்பட்டு மேலதிக சிகிச்சைக்காக வவுனியா மாவட்ட பொது வைத்தியசாலைக்கு மாற்றப்பட்டுள்ளார்.
இவ் விபத்து தொடர்பான மேலதிக விசாரணைகளை ஓமந்தை பொலிஸார் மேற்கொண்டு வருகின்றனர்.
