வவுனியா விவசாயத் திணைக்கள வளாகத்தில் தீப் பரவல்!!

தீப்பரவல்

வவுனியா ஏ9 வீதியில் அமைந்துள்ள விவசாயத் திணைக்களத்தின் அனுசரனை ஆராய்ச்சி நிலையத்தில் இன்று (18.07.2019) மதியம் 1 மணியளவில் தீ விபத்து ஏற்பட்டுள்ளது. ஆராய்ச்சி நிலையத்தில் காணப்படும் வயல் நிலத்தில் ஓர் இடத்தில் ஏற்பட்ட தீ வயல் முழுவதும் பரவி பற்றி எரிந்தது.

அதனையடுத்து வவுனியா நகரசபை தீயணைப்புப் பிரிவினரின் உதவியுடன் வயலில் ஏற்பட்ட தீப் பரவல் கட்டுப்பாட்டுக்குள் கொண்டுவரப்பட்டது.

தீ ஏற்பட்ட பகுதி வெற்று வயல் என்பதினால் விவசாய திணைக்களத்தின் ஆராய்ச்சி நிலையத்தின் நடவடிக்கைகளில் எவ்வித பாதிப்புக்களும் ஏற்படவில்லை.தீ விபத்து ஏற்பட்டத்திற்கான காரணம் இதுவரையில் கண்டறியப்படவில்லை.