விமான கழிப்பறையில் குழந்தை பெற்றெடுத்த பெண்
Doha-வில் இருந்து Beirut நகருக்கு சென்று கொண்டிருந்த விமானத்தில் உள்ள கழிப்பறையில் இளம் பெண்ணொருவர் அழகான பெண் குழந்தையை பெற்றெடுத்துள்ளார். மிடில் ஈஸ்ட் ஏர்லைன்ஸ் விமானம் ஒன்று இரு தினங்களுக்கு முன்னர் Doha-வில் இருந்து Beirut நகருக்கு சென்று கொண்டிருந்தது.
அப்போது விமானத்தில் இருந்த கர்ப்பிணி பெண் கழிப்பறைக்கு சென்ற போது அங்கு அவருக்கு பெண் குழந்தை பிறந்தது. இதையடுத்து விமானத்தில் இருந்த மருத்துவ குழுவினர் தாய்க்கும், சேய்க்கும் சிகிச்சையளித்த நிலையில் விமானம் அவசரமாக குவைத்தில் தரையிறக்கப்பட்டது.
குழந்தை ஒரு சால்வையில் வைக்கப்பட்ட நிலையில் தலையில் சிறிது இரத்தம் வடிந்த நிலையில் குழந்தை இருந்த புகைப்படம் வெளியாகியுள்ளது. இந்த புகைப்படத்தை குறித்த விமான நிறுவனவே வெளியிட்டுள்ளது. பயிற்சி பெற்ற மருத்துவ குழுவினர் பெண்ணின் பிரசவத்துக்கு உதவினார்கள் என்றும் பயணிகளின் பாதுகாப்பும், சௌகரியமும் தான் எங்களுக்கு முக்கியம் என்றும் தெரிவிக்கப்பட்டுள்ளது.
