இந்தியாவின் முன்னணி கிரிக்கெட் வீரரும், அணியின் துணை தலைவருமான விராத் கோலி பொலிவுட் நடிகை அனுஷ்கா ஷர்மாவின் வீட்டிற்கு புத்தாண்டை கொண்டாட நள்ளிரவில் வந்தார்.
அவர்கள் இருவருக்கிமிடையே காதல் மலர்ந்திருப்பதாக கிசுகிசு பரவி வரும் நிலையில் அவர் தனது தென்னாப்பிரிக்கா சுற்றுப்பயணத்தை முடித்துகொண்டு சக வீரர்களுடன் மும்பை விமான நிலையம் வந்தடைந்த பின் நேராக அனுஷ்காவின் வெர்சோவா அபார்ட்மெண்ட் வீட்டிற்கு வந்தது குறிப்பிடத்தக்கது.
விராத் கோலியை தனது வீட்டிற்கு அழைத்து வர பி.எம்.டபிள்யூ மற்றும் ரேஞ்ச் ரோவர் ஆகிய தனது சொகுசு கார்களை விமான நிலையத்திற்கு அனுஷ்கா அனுப்பி வைத்திருந்தார்.
பி.எம்.டபிள்யூ காரில் கோலி வந்தபோது அவரது உடைமைகள் ரேஞ்ச் ரோவரில் வெர்சோவா அபார்ட்மெண்ட்டிற்கு வந்து சேர்ந்தன. அனுஷ்கா கொடுத்த நள்ளிரவு விருந்தில், கோலி மற்றும் அவருக்கு நெருக்கமான நண்பர்கள் மட்டுமே கலந்து கொண்டனர்.
விருந்து அதிகாலை வரை நீடித்ததாக தகவல்கள் தெரிவிக்கின்றன. முன்னணி ஷம்பூ விளம்பரம் ஒன்றில் இணைந்து நடித்த இவ்விருவருக்கம் காதல் மலர்ந்ததாக கூறப்படுவது குறிப்பிடத்தக்கது.
