மின்குமிழ்கள் பொருத்தும் நடவடிக்கை
வவுனியா நகரப்பகுதியில் மின்குமிழ்கள் பொருத்தும் நடவடிக்கை நகரசபையால் முன்னெடுக்கப்பட்டுள்ளது. வவுனியா நகரப்பகுதியை அண்டியுள்ள பல பகுதிகளில் உள்ள வீதிகள் இரவு நேரங்களில் மின் குமிழ்களின்றி இருட்டாக காட்சியளித்தது.
இந்நிலையில் மக்களின் கோரிக்கைக்கு அமைவாக வவுனியா நகரசபையின் நிதி ஒதுக்கீட்டின் மூலம் குறித்த பகுதிகளுக்கு மின்குமிழ்கள் பொருத்தப்பட்டது.
அந்தவகையில், வைரவபுளியங்குளம் கதிரேசு வீதி, குருமன்காடு காளிகோவில் வீதி, புகையிரதநிலைய வீதி, குட்செட் வீதி, மன்னார் வீதி, பண்டாரிக்குளம் குளக்கட்டு வீதி என்பவற்றில் இவ்வாறு மின்குமிழ்கள் பொருத்தப்பட்டது.
