நேரம் படத்தில் நிவின் என்ற மலையாள நடிகருடன் நடித்தவர் நஸ்ரியா. அந்த படத்தின் ஹிட்டுக்கு பிறகு நஸ்ரியா தமிழில் பிசியாகி விட்டார். ஆனால், நிவினுக்கு அதன்பிறகு சரியானபடி படமில்லை.
அதனால் மலையாளத்தில் மட்டும் ஒரு படத்தில் நடித்து வந்தார். இந்தநிலையில், கே.எஸ்.அதியமான் இயக்கும் ஒரு படத்தில் அடுத்து அதே நிவினுடன் நடிக்கிறார் நஸ்ரியா.
தற்போது முன்னணி ஹீரோக்களுடன் நடித்து வருவதால் மீண்டும் நிவினுடன் நடிக்க அவர் தயங்குவாரோ என்று அதுபற்றி நஸ்ரியாவிடம் கேட்டபோது, தமிழ்-மலையாளம் இரண்டிலும் எனது முதல் ஹீரோ நிவின்தான்.
அதனால் அவருடன் மீண்டும் ஜோடி சேருவதில் எந்த ஆட்சேபனையும் இல்லை என்று தனது பெருந்தன்மையை காட்டியுள்ளார்.
மேலும் இதே படத்தில் இன்னொரு நாயகியாக அமலாபாலும் இருக்கிறார் என்று அடுத்த செய்தியை அவரிடம் சொன்னார்களாம். அதைக்கேட்டு சற்று தடுமாறினாராம் நஸ்ரியா.
அவர் என்னைவிட சீனியர். அதோடு விஜய்யுடனெல்லாம் டூயட் பாடி விட்டார். அதனால் அவரைத்தானே முதன்மைப்படுத்த வேண்டும் என்பார். அவருக்கு முக்கியத்துவம் கொடுக்க வேண்டும் என்று என்னை பின்தள்ளிவிட்டால் என்ன செய்வது என்று தனது நிலையை சொன்னாராம்.
அதற்கு படத்தில் அமலாபால்-நஸ்ரியா நடிக்கும இரண்டு கரக்டர்களுக்குமே சம அளவு முக்கியத்துவம்தான் கொடுக்கப்பட்டுள்ளது. அதனால், அதுகுறித்து அஞ்சவேண்டாம் என்று டைரக்டர்தரப்பு நஸ்ரியாவிடம் விளக்கியபோது சம்மதித்தாராம்.
இருப்பினும் ஆரம்பத்திலேயே தடுமாற்றத்துடன் அப்படத்தை ஏற்றுக்கொண்ட நஸ்ரியா, படப்பிடிப்பு தளத்தில் என்னென்ன அதிருப்திகளை வெளிப்படுத்தப்போகிறாரோ என்ற கவலை படக்குழுவுக்கு உள்ளதாம்.
