ஜனாதிபதி வேட்பாளர்
ஜனசெத முன்னணியின் ஜனாதிபதி வேட்பாளர் பத்திரமுல்லை சீலரத்ன ஹிமி அவர்கள் வவுனியாவிற்கு விஜயம் செய்து இந்து ஆலய வழிபாடுகளில் கலந்து கொண்டார்.
வவுனியா, இறம்பைக்குளம் பகுதியில் உள்ள ஸ்ரீ துர்க்கை அம்மன் ஆலயத்திற்கு இன்று (27.10) விஜயம் செய்த அவர் அங்கு இடம்பெற்ற விசேட பூஜை வழிபாடுகளில் கலந்து கொண்டதுடன் ஆலயத்தில் நின்ற மக்களுடனும் கலந்துரையாடியிருந்தார்.
இதன்போது ஒரே குரலின் கீழ் பாதுகாப்பான நாட்டை உருவாக்க தனக்கு வாக்களிக்குமாறு கோரிய அவர் தமிழ் மக்கள் எதிர்நோக்கும் பிரச்சனைகள் தொடர்பிலும் தான் கவனம் செலுத்துவதாகவும் தெரிவித்தார்.
குறித்த வழிபாட்டு நிகழ்வில் அவரது ஆதரவாளர்கள், பொதுமக்கள் எனப்பலரும் கலந்து கொண்டனர்.
