இளவட்ட நாயகர்களுடன் ஜோடி போடுவதில் நம்பர் வன் நடிகையாக வலம் வருகிறாராம் நஸ்ரியா.
நய்யாண்டி தொப்புள் சர்ச்சை நாயகியான நஸ்ரியாவின் மார்க்கெட் சற்றே ஆடினாலும் மீண்டும் மார்க்கெட்டில் சூடுபிடித்துவிட்டார்.
இதற்கு காரணம், அவருடன் நடித்த அத்தனை ஹீரோக்களும் மீண்டும் மீண்டும் அவருடன் டூயட் பாட ஆசைப்படுவதுதான்.
அந்தவகையில் நேரம் படத்தில் நிவினுடன் அறிமுகமான நஸ்ரியா மீண்டும் அவருடன் ஓம் சாந்தி ஒசானா என்ற மலையாள படத்தில் மறுபடியும் நடித்து வருகிறார்.
அதேபோல் சலாலா மொபைல்ஸ் என்ற படத்தில் துல்கர்சல்மானுடன் நடித்து வருபவர், அடுத்தபடியாக வாய் மூடி பேசவும் என்ற படத்தில் நடிக்கிறார். தற்போது பகத் பாசிலுடன் ஒரு படத்தில் நடித்து வருபவர், அடுத்து களிமண்ணு இயக்குனர் பிளஸ்ஸி இயக்கும் படத்திலும் பகத்பாசிலுடன் இணைந்திருக்கிறார்.
மலையாளத்தில்தான் இந்த நிலை என்றால், தமிழிலும் ராஜாராணிக்குப்பிறகு ஆர்யாவுடன் மீண்டும் ஒரு படத்தில் நடிக்க இருப்பதாக தகவல்கள் வெளியாகியுள்ளன.
