வாகன விபத்து
வவுனியா – ஓமந்தை, வேப்பங்குளம் பகுதியில் இன்று மதியம் இடம்பெற்ற விபத்தில் இளைஞர் ஒருவர் கா யமடைந்து வவுனியா வைத்தியசாலையில் அனுமதிக்கப்பட்டுள்ளார்.
ஓமந்தையில் இருந்து வவுனியா நோக்கி சென்று கொண்டிருந்த கன்ரர் ரக வாகனம் வேப்பங்குளம் சந்திப் பகுதியில் தரித்து நின்றுள்ளது.
இந்நிலையில் அதே திசையில் வவுனியா நோக்கி மோட்டார் சைக்கிளில் பயணித்த இளைஞன் குறித்த வாகனத்துடன் மோதுண்டமையினால் இவ்விபத்து நேர்ந்துள்ளது.
இதன்போது வவுனியா பூவரசங்குளத்தைச் சேர்ந்த 22 வயதான இளைஞன் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார். இவ்விபத்து தொடர்பாக ஓமந்தை பொலிஸார் விசாரணைகளை முன்னெடுத்துள்ளனர்.
