உலக சந்தையில் தங்கத்தின் விலையில் ஏற்பட்டுள்ள மாற்றம்!!

தங்கத்தின் விலையில்..

தற்போது பண்டிகை காலம் ஆரம்பமாகியுள்ளது. நத்தார் பண்டிகை, ஆங்கில புதுவருட பிறப்பு அடுத்து தைப்பொங்கல் என கொண்டாட்டங்கள் களைகட்டவுள்ளன.

இந்த காலப்பகுதியில் தங்க நகைகளின் கொள்வனவு அதிகரிக்கும். இவ்வாறான நிலையில் தங்க நகை பிரியர்களுக்கு மகிழ்ச்சியளிக்கும் வகையிலான செய்தியொன்று வெளியாகியுள்ளது.

அதனடிப்படையில் உலக சந்தையில் தங்கத்தின் விலை வீழ்ச்சியடைந்து வருகின்றதாக கொழும்பு ஊடகமொன்று வெளியிட்டுள்ள செய்தியில் தெரிவிக்கப்பட்டுள்ளது.

அமெரிக்கா மற்றும் சீனா ஆகிய நாடுகளுக்கு இடையில் மேற்கொள்ளப்பட்டுள்ள வர்த்தக ஒப்பந்தத்தின் அடிப்படையில் இந்த விலை வீழ்ச்சி பதிவாக வருவதாக சுட்டிக்காட்டப்பட்டுள்ளது.

மேலும், உலக சந்தையில் ஒரு அவுண்ஸ் தங்கமானது 1485 அமெரிக்க டொலராக பதிவாகியுள்ளதுடன், எதிர்வரும் நாட்களிலும் தங்கத்தின் விலையில் வீழ்ச்சி ஏற்படலாம் என குறிப்பிடப்பட்டுள்ளது.