கூமாங்குளம் சுப்பர் ஸ்டார் விளையாட்டுக் கழகம்
வவுனியா மாவட்டசெயலகத்தின் ஏற்பாட்டில் வவுனியா மாவட்ட இளைஞர் கழகங்களுக்கிடையிலான போட்டியில் கூமாங்குளம் சுப்பர் ஸ்டார் விளையாட்டுக்கழகம் வெற்றி பெற்றது.
தரணிதீபம் விளையாட்டுக் கழகத்திற்கும் கூமாங்குளம் சுப்பர் ஸ்டார் விளையாட்டுக் கழகத்திற்கும் இடையே நேற்று (18.01.2020) கரப்பந்தாட்ட இறுதிப் போட்டி நடைபெற்றது.
இப் போட்டியில் தரணிதீபம் விளையாட்டுக் கழகத்தினை 3:2 புள்ளிகள் வித்தியாசத்தில் கூமாங்குளம் சுப்பர் ஸ்ரார் விளையாட்டுக் கழகம் வெற்றி பெற்று தேசிய ரீதியில் நடைபெறும் கரப்பந்தாட்ட போட்டிக்கு தெரிவாகியது
இவர்கள் தொடர்ச்சியாக பல போட்டிகளில் வெற்றிபெற்று தேசிய ரீதியில் நடைபெறும் கரப்பந்தாட்டப் போட்டிக்குத் தெரிவாகியிருக்கின்றமை குறிப்பிடத்தக்கது. அத்துடன் இந்த வெற்றியினூடாக கூமாங்குளம் கிராமத்திற்கு மட்டுமன்றி வவுனியா மாவடத்திற்கும் பெருமையினை தேடித்தந்துள்ளனர்.
