ஏ.ஆர்.ரகுமானின் மகள்
இசையமைப்பாளர் ஏ.ஆர்.ரகுமான் உலக அளவில் பிரபலமானவர். அவரது மகள் கதீஜா ஒரு வருடத்திற்கு முன்பு ஒரு நிகழ்ச்சியில் பங்கேற்றபோது தன் முகம் முழுவதும் புர்கா மூலம் மறைத்துக்கொண்டு பங்கேற்றார்.
இது பற்றி சிலர் விமர்சித்ததால் அப்போதே அவர் அதற்கு பதிலடி கொடுத்தார். இந்நிலையில் தற்போது வங்காளதேசத்தை சேர்ந்த எழுத்தாளர் தஸ்லிமா நஸ்ரின் விமர்சித்திருந்தார்.
“எனக்கு ரகுமான் இசை பிடிக்கும். ஆனால் அவரது மகளை பார்க்கும்போது வருத்தமாக இருக்கிறது” என அவர் கூறியுள்ளார். இதற்கு பதிலடி கொடுக்கும் விதத்தில் கதிஜா இன்ஸ்டாக்ராமில் பதிவிட்டுள்ளார்.
“ஒருவருடம் தான் ஆகிறது. தற்போது மீண்டும் இப்படி பேச்சு வருகிறது. நாட்டில் பல்வேறு விஷயங்கள் நடந்துகொண்டிருக்கிறது. ஆனால் ஒரு பெண் அணியும் உடை பற்றி தான் பலரும் கவலை படுகிறார்கள்.
ஒவ்வொருமுறை இப்படி பேச்சுகள் வரும்போது எனக்குள் கோப தீ எரிய ஆரம்பிக்கிறது. பல விஷயங்களை பேச வேண்டும் என நான் நினைக்கிறேன். கடந்த ஒரு வருடமாக என்னுடைய மற்றொரு பரிமாணத்தை நான் கண்டுள்ளேன்.”
“நான் வாழ்க்கையில் எடுத்த முடிவுகளை எண்ணி வருத்தப்படப்போவதில்லை. நான் மகிழ்ச்சியாக செய்ததை எண்ணி பெருமைப்படுகிறேன். My work will speak, God willing.. வேறுதுவும் சொல்ல விரும்பவில்லை.” “உண்மையான Feminism என்றால் என்ன என googleல் தேடுங்கள்” என கூறி கதிஜா அவருக்கு பதிலடி கொடுத்துள்ளார்.
