அமலாபால்
நடிகை அமலாபாலும் இயக்குனர் விஜய்யும் காதலித்து திருமணம் செய்துகொண்டு பின்னர் விவாகரத்து பெற்று பிரிந்தனர். தனுஷ் தனது படத்தில் அமலாபாலை நடிக்க வைத்ததால் திருமணம் முறிந்ததாக வதந்திகள் பரவியது.
இது குறித்து நடிகை அமலாபாலிடம் தனியார் நிகழ்ச்சியின் பேட்டி ஒன்றில் கேள்விகள் கேட்கப்பட்டது. அதற்கு பதிலளித்த நடிகை அமலாபால்,
எப்போதோ நடந்த சம்பவத்தை இப்போது வந்து கேட்கிறீர்கள். எனது விவாகரத்து சர்ச்சை தேவை இல்லாதது. அது எனது சொந்த விஷயம். விவாகரத்து வாங்கிய முடிவு முழுக்க என்னுடையதுதான்.
அதற்கு வேறு யாரும் பொறுப்போ காரணமோ இல்லை. வேறு ஒருவரை காரணமாக வைத்து விவாகரத்தை யாராவது வாங்குவார்களா என்று கேள்வி எழுப்பியுள்ளார்.
தனுஷ் எனது நலம் விரும்பி. இந்த விஷயத்தில் வேறு எதையும் என்னிடம் கேட்காதீர்கள். இதை விட அதிகமாக பேசவும் நான் விரும்பவில்லை என பதிலளித்துள்ளார்.
