வவுனியா பண்டாரிக்குளத்தில் விபத்து : இளைஞன் காயம்!!

விபத்து..

வவுனியா பண்டாரிக்குளம் பகுதியில் இன்று (23.02.2020) காலை 11.30 மணியளவில் டிப்பருடன் மோட்டார் சைக்கிள் மோதுண்டு விபத்துக்குள்ளானதில் இளைஞனொருவர் காயமடைந்துள்ளார்.

வவுனியா நகரிலிருந்து பண்டாரிக்குளம் நோக்கி பயணித்த டிப்பர் வாகனம் பண்டாரிக்குளம் பாடசாலை வீதிக்கு திரும்ப முற்பட்ட சமயத்தில் எதிர் திசையில் வந்த மோட்டார் சைக்கிள் டிப்பரின் பின் சில்லுடன் மோதுண்டு விபத்துக்குள்ளானது.

இவ் விபத்தில் மோட்டார் சைக்கிலின் சாரதியான 19வயதுடைய இளைஞர் சிறு காயங்களுக்குள்ளாகியுள்ளதுடன் மோட்டார் சைக்கிள் பகுதியளவில் சேதமடைந்துள்ளது.

சம்பவ இடத்திற்கு விரைந்த வவுனியா போக்குவரத்து பொலிஸார் விபத்து தொடர்பான மேலதிக விசாரணைகளை மேற்கொண்டு வருகின்றனர்.