நியூசிலாந்தில் சுற்றுப்பயணம் மேற்கொண்டுள்ள இந்திய அணி, தொடர்ந்து இரண்டு ஒருநாள் போட்டிகளில் தோல்வியடைந்ததையடுத்து, ஐ.சி.சி. ஒருநாள் தரவரிசையில் முதலிடத்தை இழந்தது.
நியூசிலாந்துக்கு எதிரான இரண்டாவது போட்டிக்கு முன்னதாக 119 புள்ளிகளுடன் இந்திய அணி முதலிடத்தில் இருந்தது.
அவுஸ்திரேலியா 118 புள்ளிகளுடன் இரண்டாம் இடத்தில் இருந்தது. இந்தியா இரண்டாவது போட்டியில் தோல்வியடைந்ததால், 2 புள்ளிகள் சரிந்து 117 புள்ளிகளுடன் பின்தங்கியது. அவுஸ்திரேலியா முதலிடத்திற்கு வந்தது.
இந்நிலையில், இங்கிலாந்துக்கு எதிரான நான்காவது ஒருநாள் போட்டியில் அவுஸ்திரேலிய அணி 57 ஓட்ட வித்தியாசத்தில் தோல்வியடைந்தது. இதனால் அந்த அணி 2 புள்ளிகள் சரிந்து மொத்தம் 116 புள்ளிகளுடன் பின்தங்கியது. இந்தியா மீண்டும் முதலிடத்திற்கு முன்னேறியுள்ளது.
ஆனால் இந்த நிலையை தக்க வைக்க வேண்டுமானால், நியூசிலாந்துக்கு எதிராக இன்று நடைபெறும் மூன்றாவது ஒருநாள் போட்டியில் இந்திய அணி வெற்றி பெற வேண்டும். தோல்வியடைந்தால் மீண்டும் முதலிடத்தை இழக்கும்.
