அகதிகள் முகாமில்..
காசா பகுதியில் உள்ள அகதிகள் முகாமில் பரபரப்பான சந்தையில் ஏற்பட்ட பயங்கர தீ விபத்தில் 9 பேர் ப லியாகியுள்ளனர்.
காசா பகுதியில் உள்ள நுசேராட் அகதிகள் முகாமில் நெரிசலான சந்தை பகுதியில் செயல்பட்டு வரும் பேக்கரி ஒன்றில் பயங்கர தீ விபத்து ஏற்பட்டுள்ளது.
அருகாமையில் உள்ள தொழிற்சாலைகள் மற்றும் தெருவில் நிறுத்தப்பட்டிருந்த கார்களுக்கு விரைவாக தீ பரவ ஆரம்பித்துள்ளது.
இதில் குறைந்தது 9 பேர் கொ ல்லப்பட்டனர் மற்றும் 60 பேர் காயமடைந்தனர் என்று சுகாதார அதிகாரிகள் தெரிவித்துள்ளனர்.
இ றந்தவர்களில் ஆறு கு ழந்தைகள் அடங்குவர் மற்றும் காயமடைந்தவர்களில் 14 பேர் ஆபத்தான நிலையில் இருப்பதாக பாலஸ்தீன சுகாதார அமைச்சகம் தெரிவித்துள்ளது.
காஸாவின் உள்துறை அமைச்சகம், இஸ்லாமிய ஆட்சியாளர்களான ஹமாஸால் நடத்தப்படுகிறது. அவர்களின் கூற்றுப்படி, பேக்கரிகளில் ஒன்றிற்குள் எரிவாயு கசிந்ததால் தீ ஏற்பட்டது, இதனால் பல சமையல் எ ரிவாயு பா ட்டில்கள் வெ டித்தன என தெரிவிக்கப்பட்டுள்ளது.
