அவுஸ்திரேலிய அணியின் முன்னாள் தலைவர் மற்றும் அதிரடி துடுப்பாட்ட வீரர் ரிக்கி பொண்டிங், சகல கிரிக்கெட் போட்டிகளில் இருந்தும் ஓய்வுபெறப் போவதாக அறிவித்துள்ளார்.
38 வயதாகும் பொண்டிங், தாம் அனைத்து கிரிக்கெட் போட்டிகளில் இருந்தும் விலக இதுவே சரியான தருணம் என தான் கருதுவதாக குறிப்பிட்டுள்ளார்.
கடந்த வருடம் அவுஸ்திரேலியாவில் நடைபெற்ற தென்னாபிரிக்காவுக்கு எதிரான போட்டியின் போது, பொண்டிங் டெஸ்ட் போட்டிகளில் இருந்து ஓய்வு பெறப்போவதாக அறிவித்திருந்தார்.
இதுவரை அவுஸ்திரேலிய அணி சார்பில் 168 டெஸ்ட் போட்டிகளில் விளையாடியுள்ள பொண்டிங் 13,378 ஓட்டங்களைக் குவித்துள்ளார்.
அத்துடன் 375 ஒருநாள் போட்டிகளில் 13,704 ஓட்டங்களை விலாசியுள்ளார்.
மேலும் அவுஸ்திரேலிய அணி மூன்று உலகக் கிண்ணங்களை சுவீகரிக்க இவர் தனது பங்களிப்பை வழங்கியுள்ளதோடு, அதில் இரண்டு போட்டிகளுக்கு இவர் தலைமை வகித்தார் என்பதும் குறிப்பிடத்தக்கது.